إظهار / إخفاء الإعلاناتأعلانات المنتدى
للأعلان معنا اضغط هنا للأعلان معنا اضغط هنا للأعلان معنا اضغط هنا للأعلان معنا اضغط هنا
اعلن معنا للأعلان معنا اضغط هنا
أضغط هنا لمتابعة اخبارنا وبرامجنا ومواضيعنا على الفيس بوك

الإهداءات


العودة   منتديات انت عراقي > ★☀二【« الاقـسـام الأدبــيــه »】二☀★ > همس القوافي - خواطر - نثر- شعر شعبي - قصائد


همس القوافي - خواطر - نثر- شعر شعبي - قصائد ¬» [ لكي نرتوي من ماء أحاسيسكم العذبة انثروا اختياراتكم ورودا من الإبداعات المميزة للشعر والقصائد ] ~❥



إضافة رد
كاتب الموضوع ح ــآقدٌ جداً علىْ النساءِ مشاركات 19 المشاهدات 10467
 
LinkBack أدوات الموضوع إبحث في الموضوع انواع عرض الموضوع
قديم منذ /06-11-2008, 04:22 AM   #1

ح ــآقدٌ جداً علىْ النساءِ

ღ عضو سوبر ستار ღ

 

الصورة الرمزية ح ــآقدٌ جداً علىْ النساءِ

 

 

  ح ــآقدٌ جداً علىْ النساءِ غير متواجد حالياً

عُضويتيّ 30
الجِنسْ
أخر تواجد  22-01-2014 [+]
تَسجِيلي Oct 2007
مُشآركاتيَ 4,519
نقاطي 1364
شَكرَني 445
شُكرت 338


السلام عليكم


كيف الحال

اخواني اخواتي محبي هذا القسم الرائع

اشيد بتواجدكم في البدايه


واحيي فيكم التواجد الاكثر من رائع داخل هذا القسم المميز

وما ننقله عن الشعراء الرائعين


ففكرت بفكره واتمنى الكل يساعدني فيها


طبعا الاخوه العراقيين يعرفون ان الشعر الشعبي العراقي

بحر كبير

وهناك اخوه واحباء عرب يعشقون الشعر الشعبي العراقي

ويجدون صعوبه في الحصول عليه

لذا حبيت اجمع في هذه الموسوعه كل قصائد الشعر الشعبي العراقي

او اغلبها بفضلكم

واتمنى تساعدوني في فكرتي

والفكره حصريه وحقوق النشر محفوظه لمنتدانا منتديات انت عراقي


والله الموفق

بسومي (( حاقد جدا على النساء ))



يا الله ابدأ اني بمجموعه قصائد

الشاعر الكبير كاظم اسماعيل كاطع


ما مرتاح .. ما مرتاح .. مامرتاح
عيوني تستحي بس الدموع إوكاح
ما مرتـــــــــاح
منٌك.. منٌي .. من الجاي من الراح
ما مرتــــــــاح
عركه وي الزمن ورجعنه مكسورين !!
وبعيده المسافه وينٌسي اللٌي طاح ..
ما مرتـــــــــــــاح
لأن شفت الشمس نزلت تبوس الكًاع
وبكف الطفل تنلاح
ولأن قاضي البلابل مدٌد التوقيف
ومفتوحه السِما
والفيل عنده جناح
ما مرتـــــــــــــــاح
لأن قفل المحبه إنباكً
وِترهٌم عليه مفتاح
متروك بجزيره وتيٌهت بالليل
وإجو ربعي عليٌه بقافلة أشباح
وإنته إشبيك
لمٌن دافعت عن نفسي صابك غيض
مو حتى الكًنافذ من تحس بالخوف
تستخدم جلدها سلاح
ولا جن الفجر مثل الفجر محبوب
لون الفجر صاير يقبض الأرواح !!
ما مرتـاح من ربعي ولا مرتاح
تمساح إبنهرهم صاحو من الخوف
وجازفت بحياتي من سمعت إصياح
!!! صارعت المنيٌه وبيده هزني الموت!!!
ومدمٌى إطلعت
صفٌكًو للتمســــــــاح
كل هذا وتريد أرتاح
ما مرتـــــــــــــــاح
ما مرتاح من ربعي ولا مرتاح
نادوونـي.. وركضت إبليــل
إيد الرسن بيها وإييد بيها سلاح
عثرت مهرتي وربعي قبل ما طيــح
واحد كًال للثاني
أبشـــــرك طـــــاح
أبشــــــــرك طــــــــاح



بختصار (( الشاعر ما اعرفه منو ))

باختصار
انه موعبرة وكت للماله تالي
وانه موسجة قطار
تسحك برجلك عليه ولامحطة انتظار
وانه موجلمة سكارى
الليل يحجيهه ويصد عنهه النهار
باختصار
انه مودمعة يتيمه اتبات بعيون الهظيمه
وتنذبح خلف الستار
انه امير الصابرين
ومني شك ثوبه وشرد حته الحصار
وانه امير العاشقين
وشهرزادك تحلم بحبك يسولف شهريار
وبالختصار
من اكلك خل ابوسك
يعني لازم خل ابوسك
وانت بس اتكلي صار



ومضه + قصيده بحق الشاعر الشهيد رحيم المالكي

وداعا يا ابا حيدر
وداعا يابطل العراق
وداعا رحيم المالكي

ماتكتب شعر من بعدك الاقلام
بعدك ماكو واهس للكتابه
مضايف بين اهلنه وهاجسك وين
رحيم ومات وشتسوه العتابه


كل خميس ايدك علينه الباب
صغار اكبار ننطر جيته بلهفه
شته ومامش حطب وبعز برد كانون
على جمره هواجس جنه ندفه
تعد وتقدم اهموم الشعب كل يوم
وعلى ركبته احبال الموت ملتفه
خبر تعليق اي شي خص الم بغداد
بدمعاتك يقينن جان يتغطه
خطه الدوله سوت للصلح بالموت
وانت الوحدك سويتلك خطه
مايصفه اعله ظهرك ماي يالشبوط
ويافال اليجيك برمشك اتحطه
الرتل يحسب احسابه بعتبت الانبار
وانت بكامراتك رحت تتخطه
القمم عقدت قمم ماحلتنه اشكال
ويا قمه التخلص نوكع بورطه
وانت بحلقه صفيت النوايا وجيت
اذن صح انت وحدك والقمم غلطه

اسكنك الله فسيح جناته يارحيم المالكي

وهذي ومضه ايضا للشهيد السعيد رحيم المالكي
ندري الموت حق وكَلنه ع الراس
يجي ويختار كل واحد يريــــــــدة ,,

منو كَال انتحاري انفجر ع الناس ..!!
رحيم هناك ............ وانفجرت قصيـــدة




قصيده عسل وتراب للشاعر صباح الهلالي

عسل وتراب
من اتراب مثلي نعم .....بس للجمال اسباب

رب الجمال اعتقد ......سواك في محراب

اباب جنة عدن....تين ونخل واعناب

بقالبك خله عسل......وشويه ذبله تراب

بسواد العين يسمر منترابي

شعجب كلبك تغير من ترى بيه

انه ماضن ترابك من ترابي

حضنتك والعسل جلب بديه

من طين مثلي ..اعترف..بس عود مثل الطين؟؟؟؟؟؟

ذرات منك بقن...لمهن وسوه العين

عشره بالميه ندى...ويمكن ورد عشرين

ومد روحه نهر الخمر كملك السبعين

وسلالتكم نسب يوسف نسبهه

الدنيا بغير نضراتك نسبهه

الوادم ميه بالميه نسبهه

بس نسبة جمالك سبع مية

وسبحانه كمل بعد فوك السبعميه

رش اعله كلبك وفه وعالروح حنيه

وانطاك واهس طفل وعيون حوريه

بس؟؟؟عافك بلا بخت وتورطت بيه

واللوله البيك جي مابيك لوله

ملاك امن السمه البلمهد لوله

جمالك ماتجاوز بشر لولا

الخمره اويه العسل طبكن سويه





 

 

 

 

 

 

 

 


من مواضيع ح ــآقدٌ جداً علىْ النساءِ » :::: أحمد مطر ::::: مشاركة للجميع
» :::: قافلة الاشواق :::::
» ::: أمل .. في وضح السراب ::::
» ::: أمل .. في وضح السراب ::::
» :::: .. دراكولا يجتاح مستشفيات وعيادات عراقية ..وحمورابي يتوعد بالاجتثاث..::::
» ::: قبور اسمنتية تحيط بنا تماما كسور الصين :::
» ::: حينما يشرق الوجع ::::
» ... مقالات انت عراقي ....
» ."":::::: طـــٌود كلكآمشْ ::::::"".
» :::: تخيل جهازك ينبهك بلغتنا الشعبية الدارجه :: !!
  رد مع اقتباس مشاركة محذوفة
قديم منذ /06-11-2008, 04:29 AM   #2

ح ــآقدٌ جداً علىْ النساءِ

ღ عضو سوبر ستار ღ

 

الصورة الرمزية ح ــآقدٌ جداً علىْ النساءِ

 

 

  ح ــآقدٌ جداً علىْ النساءِ غير متواجد حالياً

عُضويتيّ 30
الجِنسْ
أخر تواجد  22-01-2014 [+]
تَسجِيلي Oct 2007
مُشآركاتيَ 4,519
نقاطي 1364
شَكرَني 445
شُكرت 338


الجزء 2

سياب البصرحه
عبد الحسين الحلفي


انشع


انشع من اشوفنك علي جاي
واسكر حيل اذا شبكك اطوطح
يصير العيد ماتم لون ماجيت
وبيوم الطبك لوجيت افرح
اكول اربحت واني وياك خسران
واكول اخسرت لوي غيرك اربح
مرجوحه الكلب ومحبتك عيد
وبما انك طفل حقك تمرجح
حلو وتلمع وتكتل انت اذن سيف
اذن عذرك وياك وانت تذبح
مافكر وخاف انت تذبحني
افكر خاف اتعبك وانت تذبح
اعرفنك غلط بس مستعز بيك
وكمت الخاطرك حتى اكرهه الصح
تسوه الدنيه عندي من اكعد وياك
وبدونك كلشي ماتسوه دنيتي
من اطب البيتكم اشبك على الباب
ويشبكك بابنه من تطب بيتي
فرق مابين عمري وعمرك هواي
وكمت الخاطرك اصبغ لحيتي
اتئذه اذا وي غيرك ارتاح
وحيل ارتاح اذا منك اذيتي
وي غير لو يرد العمر ماريد
وريد وياك لو يمك منيتي
عليك العين تبجي ليل ونهار
وكله شعطلج شو مابجيتي
قضيتي وياك ابد خلتني ماشوف
واندعي من الله لاتنحل قضيتي
يوصي اهله بجهاله الرايد يموت
وبس اسمك لكو اهلي بوصيتي
على غيرك مانحت مابيه عالنوح
وعليك شكد حلو يونسني نوحي
وكضيت زيارتي بس اندعيلك
ونسيت وداعتك اندعي الروحي
جنت من روحي ضايج قبل ملكاك
كل ساعه اكل الروحي روحي
لاهسه بعد من روحي ماضوج
اضوج شلون وانت الصرت روحي
انشع حيل من تلجمني الجروح
واظل مقهور اذا طابت اجروحي
اعتبر اليداوي الي يلجم
وتلجم بيه واعتبرك علاجي
سجين انه بمحبته متاني الافراج
اصلي وندعي لايجي فراجي
محتاج الحنانك حيل محتاج
ومحد غيرك يسدلي احتياجي
تحركني بقصد وطلع الروح
واكل للروح مايقصد احراجي
ابو طبع المزاجي شكد اكرهه
واموت عليك جي طبعك مزاجي



سمير صبيح غزل البنات

احدهم سأل سمير صبيح لماذا لا تكتب غزل
واغلب قصائدك عن المعاناة والفقراء
فكان الجواب


اكتبلي غزل عن البنات** يا ترافة تريدهة بشعري تبات
يكلي شعرك ليش اهات ودموع
انته حقك ماشفت خط الشروع
انته ساعة سين تعرفهة شتلوع
تعرف الغاية تعرف الهاونات** اتكلي اكتبلي غزل عن البنات
******

شعري فك عينة لكة كبالة نطاق
بندقية وسفر وي حب للعراق
حبلة وحدة والمواعيد التحاق
جان موعدنة بساحة عارضات** اتكلي اكتبلي غزل عن البنات
******
شرد اغازل جارتنه ام ثوب الوحيد
ليش اتكلبة حتى يبين جديد
تنتبه لبالهة بالهم شديد
خدود صفرة شلون اكول موردات** اتكلي اكتبلي غزل عن البنات
******
مرة كتلهة احبج شو بجت
اني خايف لا روحي اتجاوزت
طلعت خطية عدهة الحصة اتاخرت
دعوفني يا حب يا ذكريات** اتكلي اكتبلي غزل عن البنات
******
تريدني اكتب غزل والغي العناء
ا ني سبع سنين كاضيهة بحذاء
هدومي طلبة ذاك من ذاك الشر اء
مو فضل مني وعايش هل حياة** اتكلي اكتبلي غزل عن البنات
******
عدنة ليلى تبيع بالوكفة دهن
وقيس عمالة يجد بس على البطن
ومن سألت جوليت كالت بالسجن
روميو تعبان بايك تايرات** اتكلي اكتبلي غزل عن البنات
******
خل يحجيلك دمع عينة اليسيل
وعن بثينة شتريد احجيلك قليل
عدهة سبع اطفال صارو من جميل
كلهم يجدون بالشارع حفات** اتكلي اكتبلي غزل عن البنات
******
يا علاقة اليوم ما بيهة دغش
والعلاقة الطيبة تنشال بنعش
شتعتقد سوزان ترتاح لشلش
لو شلش كشاخ وتحبة نجاة** اتكلي اكتبلي غزل عن البنات



قصيده عن العراق (( ما اعرف الشاعر ))

ماعاش اليذلك يـا عـراق الخيـر

ولاعاش الرّسملك عالوجـن دمعـه

عراق انته عراق امشرف التاريـخ

وبيارغ هيبتـك للعالـم امشرعـه

ثوبك ثوب عزه وانته تاج الـراس

يارمـز الحضـاره وللمجـد قلعـه

ابو الوكفات انته وانته ابو الطيبات

وابو جفوف السخيّه وطيّب السمعه

مو انته العراق الهيج بيك ايصيـر

يالصايـغ حياتـك للعـرب شمعـه

اشجم واحد اجاك ايلوذ من الجـوع

وتمد جفك خبـز للجايـع اتشبعـه

وجم واحد غرك ويصيح ها يعـراق

تلاحكلي اغركت وجفوفـك اتطلعـه

جم واحد سكت من صار بيهه ازماط

وبوكت المزامط صوتـك انسمعـه

معادنهم شبه كل ذولـه اليضـدوك

بس انته الذهب تيزاب مـو لمعـه

وجبل باقي العراق وما تهزه الريح

ولادنـك الـراس وخانتـه الهمـه

ظل واكف اشم من هـدوا العـدوان

صاح انه العـراق ومانكـر اسمـه

وكف بالساحه وحده وردداهه ابزود

وسمعوهه اشكبرهه اشتعني هالكلمه

ماريد اليهدلي وجفه احس مشلـول

ولاريـد اليهدلـي البايـع الذمـه

انه العباس هدلي وهدلي ابو السجاد

وجرسيفه وفزعلي وهدلي ابو اليمّه

ماعاش اليذلك يـا عـراق الخيـر

ولاعاش الرّسملك عالوجـن دمعـه

عراق انته عراق امشرف التاريـخ

وبيارغ هيبتـك للعالـم امشرعـه

ثوبك ثوب عزه وانته تاج الـراس

يارمـز الحضـاره وللمجـد قلعـه

ابو الوكفات انته وانته ابو الطيبات

وابو جفوف السخيّه وطيّب السمعه

مو انته العراق الهيج بيك ايصيـر

يالصايـغ حياتـك للعـرب شمعـه

اشجم واحد اجاك ايلوذ من الجـوع

وتمد جفك خبـز للجايـع اتشبعـه

وجم واحد غرك ويصيح ها يعـراق

تلاحكلي اغركت وجفوفـك اتطلعـه

جم واحد سكت من صار بيهه ازماط

وبوكت المزامط صوتـك انسمعـه

معادنهم شبه كل ذولـه اليضـدوك

بس انته الذهب تيزاب مـو لمعـه

وجبل باقي العراق وما تهزه الريح

ولادنـك الـراس وخانتـه الهمـه

ظل واكف اشم من هـدوا العـدوان

صاح انه العـراق ومانكـر اسمـه

وكف بالساحه وحده وردداهه ابزود

وسمعوهه اشكبرهه اشتعني هالكلمه

ماريد اليهدلي وجفه احس مشلـول

ولاريـد اليهدلـي البايـع الذمـه

انه العباس هدلي وهدلي ابو السجاد

وجرسيفه وفزعلي وهدلي ابو اليمّه


عاشرتكم محسن الساري
عاشرتكم
عاشرتكم جنت اضنكم نبض شوك و عاطفة
و جنت اضن اكلوبكم خغة حمام
امجنحة بكل الوفة
و من بدت منكم العيلة وهبة ارياح الجفة
كلت غلطة وما اعاتبكم عليهة..
وكلت يمكن اصبع الواشين بيها..
و ليلة ليلة.. الشك يبات ابكتر كلبي و ما غفة
شرد اكلكم و اني من طبعي التسامح..؟
و بجفاكم..انة لو اهل الشماتة..
منهو رابح..؟جنت نسمة تهز كلبكم
و العتاب يجدد ايام الصفة
ما دريت النسمة تطويها الرياح
و تنكلب مزنة لهيب و عاطفة
ايست و الندم خنجر






 

 

 

 

 

 

 

 


من مواضيع ح ــآقدٌ جداً علىْ النساءِ » :::: أحمد مطر ::::: مشاركة للجميع
» :::: قافلة الاشواق :::::
» ::: أمل .. في وضح السراب ::::
» ::: أمل .. في وضح السراب ::::
» :::: .. دراكولا يجتاح مستشفيات وعيادات عراقية ..وحمورابي يتوعد بالاجتثاث..::::
» ::: قبور اسمنتية تحيط بنا تماما كسور الصين :::
» ::: حينما يشرق الوجع ::::
» ... مقالات انت عراقي ....
» ."":::::: طـــٌود كلكآمشْ ::::::"".
» :::: تخيل جهازك ينبهك بلغتنا الشعبية الدارجه :: !!
  رد مع اقتباس مشاركة محذوفة
قديم منذ /06-11-2008, 04:39 AM   #3

ح ــآقدٌ جداً علىْ النساءِ

ღ عضو سوبر ستار ღ

 

الصورة الرمزية ح ــآقدٌ جداً علىْ النساءِ

 

 

  ح ــآقدٌ جداً علىْ النساءِ غير متواجد حالياً

عُضويتيّ 30
الجِنسْ
أخر تواجد  22-01-2014 [+]
تَسجِيلي Oct 2007
مُشآركاتيَ 4,519
نقاطي 1364
شَكرَني 445
شُكرت 338


الجزء 3


اسم الشاعر للاسف ما عرفته


صدك تقبل حبيبي لغيري هسة تصير؟؟
وصدك مليت مني وبعد متحبني؟؟
وصدك هانت عليك اسنينه الحلوات
وما هانت عليك شلون تتركني؟؟
من يمته المذاهب نحسبلها حساب؟؟
ومن يمته الطوائف جانت تهمني؟؟
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار؟؟
جنت تموت بية وجنت تحبني
وجنت اتنفسك وانته الهوه بدنياي
وجنت لو تبتعد لحظات .. تخنكني
معقولة الورد ينكر جميل الماي؟؟
وانته بهالسهولة تنازلت عني؟؟


اسم الشاعر زهير

جنت ناسي وذكرتني
جنت ناسي وذكرتني وهيجت جرح الكلب
وجانت اسنين الهموم العاشرتني - - - - نايمه وفززها صوتك
لنه بس اثار جدمك عل درب
وطفت بس اني وخيالي - - - - -والف صوره اكبالي صارت
لني وحدي -- لا-- حبيب ولا محب
شجابك شذكرك بيه - - - بعد كل هاي السنين - - - الفاركتني - - - بلا -- - سبب
اشكد

صلف - - - اشكدقاسي كلبك - - - - - - - - جايني وتكلي احب
انته ماتعرف هموم العاشكين
انته كل حبك - - - - - - لعب
انته لو تسوه العتب - - - - جا عاتبيتك
بس خساره وياك جلمات العتب
انه ذنبي جنت احبك - - - - انه كلذنبي احبك
واعتقد ما ينحسب هذا ذنب
تعبتني وياك امشي اعله السراب - - - كافي من حبك ولك كلبي تعب
اشكد سهل وي غيري طبعك- - - - ومدري ليش وياي متشدد صعب
عوفني بهمي وغربتي - - - - وخل اخلص تالي عمري ويه - - الغرب


ابوذيات للشاعر سياب البصره عبد الحسين الحلفي

اعله روحي شبيه تنشد-مرشبيهه
العشك حر بيه يسعر-مرشبيهه
انه التانيته مامر -مرشبيهه
وكمت حسبالي هوه شصار بيه


باد الحيل وتعس بيده هايه
وطلع ماكر حبيبي بيده هايه
سالمني وشبكني بيده هايه
وبيده الثانيه ياشر عليه

عسل وبحلكي وكتي ومرجعلكم
ومرجعكم الكلبي ومرجعلكم
صرت ايه بهواكم ومرجعلكم
جبتو منين فتوه وخنتو بيه

عليك القيت حجه والقيامه
ويامه براسك احجي والقيامه
تدري الحشر يمته والقيامه
القيامه والحشر زعلك عليه

الركبتك عيني دارت لا فتلهه
ومرد روحي جمالك لا فتلهه
ماتت روحي علك لا فتلهه
وشهيد انحسب بس تبجي عليه

ابني اقصور ابد لتظن بنادم
انجرحنه لجن مابين بنادم
ابن حوه موشرط يطلع بنادم
اذا حوه اطلعت موش ادميه

شقه ماعنده كلش كد وطنه
كبر شيب واصبح كد وطنه
بوطنه انصب جادر كد وطنه
وقرينه الفاتحه ومتنه سويه

محبتك كهربتني شاره بيه
وحجه كلبي ويه عقلي شاره بيه
محبتك جنه سيد شاره بيه
اعله غيرك باوعت شورت بيه

قصيده للشاعر جبار رشيد


ساكت شرد اكلك هو ظل اللسان
عندي وبيه اسولف وعترف معجب
شفتك من بعيد وخذت كلشي وياك
انه ادري شراح تاخذ مني من تكرب
ما مرتاب منك بس احس بخوف
وبعيونك احس كل نظره الك مطلب
يبو عيون الصكر سابينه من مرتاح
نطي وجوهنه لاوين من تغظب
على كيفك وياي وشوفني بيى حال
تعبني العشك مابيه بعد اتعب
يابس زرع روحي وضامه من النار
ونارك بالزرع شيكظه من تنشب
تحيرني البرائه اشما افكر بيك
وماعرفك صدك وياي لوتلعب
الغريبه البيك توك ماتعرف الشوك
وشلته حال كلبي الهيه بيك اغرب
بسهل طبيت كلبي وما كلتلك وين
يل شايل كلب للموت ماينطب
ماحبك بعدني وكلشي بيدك صار
جا شيظل علي لو من صدك تنحب
مو مثل البشر لاعمي عشكك موت
موت وشلي بي مامنه كل مهرب
انت الحلو بيك شكد صعب وياي
وانه الحلو بيه وياك مااصعب
متناسبني كلي حتى اظل مرتاح
متناسبني اشوفن هذا حل انسب
ما احبك لان ماشفت هيج اوصاف
والكلك اوصفك نافق وجذب
ملعب للجمال او وحد الاعوب
وبحسنك صرت لهل المثل مضرب
وعيونك بيارغ هوست عالناس
[احنه الاسسنه الملعب وحنه النلعب بي]
وشحده اليطب وياك للملعب
تبين من بعيد شما مشو وياك
حجرهم وصرت من دونهم كهرب
تسب الناس كل خطوه جدم عالكاع
من تنسب اذا لتضوج من تنسب
معقوله انت اكلك مثل هاي الناس
ونفس الماي تشر ب منه من نشرب
كل لهلك دخيلك خلهم يضموك
انت الماكو منك خاف لاتخرب
ومن يكثر المثلك خلهم يطلعوك
بلكي تضيع لمن بالشبه تنذب

يتبع





 

 

 

 

 

 

 

 


من مواضيع ح ــآقدٌ جداً علىْ النساءِ » :::: أحمد مطر ::::: مشاركة للجميع
» :::: قافلة الاشواق :::::
» ::: أمل .. في وضح السراب ::::
» ::: أمل .. في وضح السراب ::::
» :::: .. دراكولا يجتاح مستشفيات وعيادات عراقية ..وحمورابي يتوعد بالاجتثاث..::::
» ::: قبور اسمنتية تحيط بنا تماما كسور الصين :::
» ::: حينما يشرق الوجع ::::
» ... مقالات انت عراقي ....
» ."":::::: طـــٌود كلكآمشْ ::::::"".
» :::: تخيل جهازك ينبهك بلغتنا الشعبية الدارجه :: !!
  رد مع اقتباس مشاركة محذوفة
قديم منذ /06-11-2008, 04:48 AM   #4

ح ــآقدٌ جداً علىْ النساءِ

ღ عضو سوبر ستار ღ

 

الصورة الرمزية ح ــآقدٌ جداً علىْ النساءِ

 

 

  ح ــآقدٌ جداً علىْ النساءِ غير متواجد حالياً

عُضويتيّ 30
الجِنسْ
أخر تواجد  22-01-2014 [+]
تَسجِيلي Oct 2007
مُشآركاتيَ 4,519
نقاطي 1364
شَكرَني 445
شُكرت 338


للشاعر عريان سيد خلف



چنــــــــــــ ولاــــــــــــــــي

اعز من روحي اعزك وانتة اعز مني

يا حسبة عمر خاويتهة من صباي

بطلت صفنتي وما بطلت مني

احس كلبي الفضي متعوب حد الويل

وادعيلة الصبر علا يفشلني

جسيت الليالي بمرود الحلوات

وليالي العمر بالشيب جسني

اضحك للبجو حد شرهة المنكود

وابجي بكل مزنتي بطور المغني

لا غرني المدح بشفاف المحبين

ولا همني بشماتة شما حجوا عني

يلتمن علية مشتتات البال

وانفضهن نفض وانهض ولا چني

وليت وعف ضميري وما كسرت العود

ولسن شبه الزلم بالعلن سبني

كفاني امرح وارع والتذ بحب الناس

وعملات الگبح ما يوم خاوني

لا زحت الحية ولا ضيعت معروف

ولا خنت الوفة وربعي اجفلو مني

اضحك بالوجوه بغير راحة بال

واصبر لو ليالي العسر ضكني

واكابر على الشدايد حد مصب العين

واسكت لو دثو من الناس لاسني

واسامح ما ابحر وين حد الغيض

وزلف لو حوافي الزعل وازني

وينشدني صديگ الما نشد عني

گبل طبعك الونة وصاير اتغني

كبل عينك محطة وخاطرك مكسور

هسة اعلة الثچالة تفوت متحني

واجيبة بكل برود وعودتي بسني

ارتاحت مستحاتي وعاكستني الريح

لانة من الهموم ولا الهم مني

انة ابن العاصيات من الليالي السود

ما ريد الگماري ولهن يردني

ارضعتني امي بدمعهة من عرفت الصوت

وغطتني بحزنهة من مشت عني

وعلمني الصبر لو جرعوني الويل

اصيح بحيل صوتي الله متهني

ولچ غني يروحي مو غنة البطران

غنة محبوب روحة الما رضة يثني

علمت البعض نگل الجدم عالگاع

وأول ما مشن بالزلگ ذبني

اگول اتغيرت والناس ما هي الناس

رضاعة قواطي وخيبوا ظني




قصيده للشاعر صباح الهلالي


بعد ماي الفرات لضيفنا نبدي ... و الگطان الازرگ ما نكر شصة
و كل اسباب جوعي بدون استثناء ... كلها تروح فدوة لورقة الحصة
گَبل خطار اجاني و صادفت عوز ... على خدودي شمع ذابت الگصة
و لان تنوري طين و غيرتة من الگاع ... خلص عدنة العجين استنسخ الگرصة
هسة شبينة ليش؟ و شختلف بالناس؟ ... اذا يلتفت ضيفك ينوكل نصة
اهلنا البيت واحد شو صفوا ضدين؟ ... ملة تلوم ملة و بالگلب غصة
اركض طاح اخوك بظهرة حط سجين .. لا غيرك يذبحة تفوتك الفرصة!
سكرانة العدالة و ناس تاكل ناس ... زمن صارت خوات العلوة و النصة
طم هور الچبايش و انفي كردستان ... و بگلب الرمادي خنجرك رصة
ولك مو عيب! و احنة اللي نشيل الراس ... شلون جفوفنا تگض راسنا تگصة؟؟؟
اختلفنا احنة بعلي و بعمر و بعثمان ... لو يدري محمد بينا ما وصة
المحتل اطلعة حط ايديك وياي ... يا محتل طلع بالهوسة و الخبصة؟
گطرة حيا آنه و انت گصة
يعرفنا النشد عنة و التگصة
و لك احنة بجسم واحد و التگصة
چفك لا تظن گصيت ايدية
فدوة أرجوك تهدة و تلعن الشيطان ... عسا من غيراك ببختة و بحظة
آنة شردت منك غير ننسى الراح؟ ... و طرفك ع الزعل بيناتنا تغضة
انفطمنة على البنادق و انت تعرف زين ... الشُعيرة بلا نفع لو زعلت الفرضة
آنة و ياك سيف و نذبح الجلاد ... و اذا تعجز ايدينة بلوزتة نعضة
العباس جدنا الما احتاج چفوف ... ظل حد السنون اللازم القبضة
چا شنهي عليمن ليش مختلفين؟؟ ... انا شنهو القبلتة و انت الترفضة؟
يجوز الما اگضة الخلل بالچفين ... اليعبر علية چفوفك تگضة
انا غرگان يمك آني اخو عثمان ... اللي بجسر الائمة ما صفن لحظة
شاف الايد وحدة و ناس ضگها الماي ... و على گد الچفوف الطاحت تشظى
أنا دجلة الخير الما نست عطشان ... و اخوي انت الفرات و ترضى ما ترضى
اختلفنا بأولياء لله و ضعنا
و احنا الساس للدنيا وضعنة
و ربك ما نغير ما نغير من وضعنة
شرط الا تحط ايدك بدية


الشاعر احمد الساعدي

سألت الضوء عن السبب بالموت
ليش الموت واجب بنفجارات
جاوبني بقهر وي ضحكة بونين
ودموعة التسولف بالمتاهات
سجين الهوة وجروحة الانفاس
وياسجين ماكصت لحم فات

عدنة الصبح دمعة وليلنة الخوف
وعدنة اليوم صاير جنة عادة
وعدنة الينولد مختوم الجبين
ميت بنفجار من الولادة
سهاد الليل مات ابطرف النجوم
وصار الاحمر ايلون سهادة
ليل ابنص سواد انكرهة مرات
هم انحبة اذا غير سوادة
سطوع الشمس غفة ابحضن الاحزان
وفرش يم الدمع اروع وسادة
خانكنة الكتل برگابنة ايبات
وصاغ الحنجرتنة اجمل گلادة
ذبحتنة بنص برد يتوسل النار
وعراية ابليل جايع وحنة زادة
ولك حتة الكتاب ابشكة اجلاد
تطير احروفة من تنزع جلادة
رحلات الدراسة انگلبت الحود
وبالاكفان خطينة الشهادة
ونقلنة الجامعات ابنص الگبور
وملج الموت صاير عالعمادة
معروف الحصاد ابموسمة انحاش
لانقصان بيه ولازيادة
وصرنة احنة حصاد بنص بساتين
بس الفرق يومية حصادة
حديدة وصلبة كلنة بسد الايام
شما تبردنة مانطلع برادة
نطلع نور يضوي الكل الافراح
نطلع خير ومحبة وسعادة
تجرحنة نعم بس ننزف عيون
ننزف طير وي حبة البلادة



سرك كلبي الك وحدك ولكمات
وغدرني بقمجي اظن دهري ولكمات
اخيك هذا مو يمك ولكمات

كتلتة وما كلت امة خطية



قصيدة (تعال انت) للشاعر سجاد الموسوي
انساهة يخايب خلهة بالنسيان
امس عندك ترسخ دومة ظل باجر
انسة الماضي انسة ولاترجع الراح
دكلي الراح مثلك همن يكابر
خلي ايدك عليه وارضة بالضربات
اخوي انت الجبير ولي شرف فاخر
المهم ارتاح انا وجفي باع وياك
ترة صعبة الغريب يكلي امش غادر
نتوحد يخوي ونفتح التاريخ
المدة الحاضرة مسدود ماذاكر
تعال انت يخوي واترك الاسماء
بفراكك ترة ايفارك قلم شاعر
تعال انت حبيبي بيه دوس ودوس
جفي ذراعي انت وخاطر الخاطر
خلينة حسن وحسين مو هابيل
وي قابيل والخوة كص مناحر
خلينة انتحاضن مانهم للصار
كلي الصار هو شلون من صاير
خل نكلب الاية ومو تموت اخوان
الوضع خله يموت ويندفن خاسر



واختمها بومضه ولي عوده لتكمله الموسوعه


لتكض شاربك ثق ماأثق بيك


بعد صار الچذب عندك غريزه




الشوارب خلّصّت من گد الوعود


الزلم ظلت بشارب كٌندليزه


يتبع




 

 

 

 

 

 

 

 


من مواضيع ح ــآقدٌ جداً علىْ النساءِ » :::: أحمد مطر ::::: مشاركة للجميع
» :::: قافلة الاشواق :::::
» ::: أمل .. في وضح السراب ::::
» ::: أمل .. في وضح السراب ::::
» :::: .. دراكولا يجتاح مستشفيات وعيادات عراقية ..وحمورابي يتوعد بالاجتثاث..::::
» ::: قبور اسمنتية تحيط بنا تماما كسور الصين :::
» ::: حينما يشرق الوجع ::::
» ... مقالات انت عراقي ....
» ."":::::: طـــٌود كلكآمشْ ::::::"".
» :::: تخيل جهازك ينبهك بلغتنا الشعبية الدارجه :: !!
  رد مع اقتباس مشاركة محذوفة
قديم منذ /06-11-2008, 07:06 AM   #5

ح ــآقدٌ جداً علىْ النساءِ

ღ عضو سوبر ستار ღ

 

الصورة الرمزية ح ــآقدٌ جداً علىْ النساءِ

 

 

  ح ــآقدٌ جداً علىْ النساءِ غير متواجد حالياً

عُضويتيّ 30
الجِنسْ
أخر تواجد  22-01-2014 [+]
تَسجِيلي Oct 2007
مُشآركاتيَ 4,519
نقاطي 1364
شَكرَني 445
شُكرت 338


شوف شحلو طوله وهمشيته
كتبت اسمه اعله صدري وهمشيته
خطر عبوات دربه وهمشيته
وهم بمشيتي وطك عليه

وصيرا وذره وذره وتكطع
وحطن كلبي بيدك وتكطع
اوصلك وجيلك وتكطع
شمى تبعد يزيد الشوك بيه

ويصير الشوك ناعم منتمر بيه
وانه شفافك ضكتهه منتمر بيه
ادري شبيه دربي منتمر بيه
يظل يلطم براسه شكد خطيه

لان ماكو بجمالك منتعبره
وموسهون جمالك منتعبره
الشايب بيدك انته منعبره
يرد لصباه واظن اصغر شويه

وعلى الرقه البيك الله يعينك
وعيونك محنه الله يعينك
تره الفروض انت الله يعينك
ملك بس للجمال اعله الوطيه

وبجمالك كفر حتى انه اشوفك
تعال وهذا حالي خل اشوفك
اذا عالجسر تعبر انته اشوفك
حقه يفك اذا انت منيه

وماريدن ابد بعده وقبله
شفافه الكعبه صارتلي وقبله
اذا فد يوم اكضنه وقبله
اشلع اشفافي وشفافه سويه

وذب شفافي وحفظهن شفاتاك
صلب متغيرك الصعبه شفاتاك
شمالك تركض انت اوكف شفاتاك
انطينه صبر شنهي القضيه

لان مامفتهم انت شمالاك
وعدل وياي جنت انت شمالاك
ردت منك تلم شملي و شمالاك
انه بدونك مطشر حن عيه

واذا فعلن تحبنه لمحنه
نعلمه احنه المعزه و المحنه
تدري احنه الكتلنه و المحنه
لان نظرات عينك بابليه


ومضات جميله

بالعفه جمالك لا دغش لاعيب

سبحانه الذي سواهه هالعفه

لان رمشين عينه صارن الشفتين

صارن حلك سلهم باسن الشفه





مو ايه اكلك هسه اكلك ليش

لان حسنك يعادل الف ايه

عل المرايه توجه شفته فد يوم

حطت خبطه غارت منه المرايه





اتخبل اذا دمعت فد يوم

احذرك اني اكلك الزم حدودك

خوفاً عله خدودك من الدموع

اخاف اتخرمشك وتشوه اخدودك


قصيده للشاعر الكبير كاظم سماعيل كاطع


مُلفتـه للإنتباه
مثل شبوي المسه بعطره وشذاه
حبـٌه.. حبـٌه وكَطره .. كَطره
وبالرسم طوٌل خلكَ بيــج الإلــــه
صوٌر عيونج مواني
وبيها عاف الليل نومه وذب غطــــاه
من بعيد إنتي جميله !!
من قريب إنتي جميله !!
واكَفه .. تمشين حلوه
والحلو وجهه يبيٌن من كَفـــــــاه
عيوني ما تكذب عليــٌه
العسل يم الإشاره
جدٌى منـٌج .. كِسَر كَلبج
وأخذ من خدٌج حـــــــــلاه
الله .. الله إشهل حلاه
الشكر ماكان مزروع إعله كَـــاع
أرض خصبه للشكر هاي الشفاه
والكَلب مدري شجـــــــاه
قبل كنت أكَدر عليـــــــــه
ألوي إذانه إيخاف منــــــٌي
وهســٌه صرت أمشي وراه
وهســٌه صرت أمشي وراه
ولا حيــاء في الحب
_ أحبج _
خل يحسبوني رجل حن إلصِــباه
لأن ملفته للإنتبــاه
سنه إشفافج عله إشفافي
بصراحه الوكت موكافي
أريد الشته إيصير أربع مواسم
ياحضن دافي
وأريد الليل سبع إسنيـــن
والله إيمــَوٌت الغافي
لو طال السفر ويـــاج
من روحي الخدر ينزل عله الرجلين
وأمشي إعله الجمر حافي
ولو ميت وأمر بشارع إمشينــاه
أنسه جنازتي وتتحرك أطـــرافي
.. ولو يطفه الضوه من الصبح لليــــل
:- عن بيتي تِكَـــول الناس
عنده إكًلــوب ما طــافي
ضـَعٌفني الزمن لكن أكابر بيــج
من صار النهر دهله إبربيع الفات
مَدٌيــتي إديــج ورد نبع صـافي
سنه إشفافج عله إشفافـــي
بصراحه الوكت مو كـــافي






هم اجيتج

هم اجيتــــــــــج
شايل ادموعي اعله خدي
وكل جرح بيه اعله طولي يصيح اجيتج
دوريتج بين الف ياء التعب اجمل قصيده؟
وبس الج اذكر قريتج
هم اجيتـــــــــــــج
انشد اليمشون عنج
مالكيتو اهنا حلم طاح اعله وجهه وماكوانتي
اهنا امس ظلت دمعتي
بصفهه شوك سنين ومناطر تجين ومارجعتي
ابصفهه عين وعين مقفوله عليج ومالكيتج
هم اجيتــــــــــج
هم اجيتـــــــــج؟
مر على عيوني امس طولج رسم
بالطيف يركض واعتنيتج
فرفحت روحي اعله ظلج ماي ؟
غازلهه بسرابج واشتهيتج
هم اجيتــــــــــــج
خطوه خطوه
وكل درب امشيه يرسمني محطه
واه لوطولج يمر بعيوني غلطه
جابعت (file://\\جابعت) كلشي اعله مودج
المحطه؟
وكل حقيبه انشدت بجف السفرجلمة نسوك
ويتمو راعي المحطه
وجابعت راعي المحطه
والقطار وكل حلم ظل اعله بالي بغير نقطه
وصاوغت عمري ابأمل لولحظه اشوفج واشتريتج
هم اجيتـــــــــــــــج ؟
من امس بس ياامس عمرين احسبه
اوياي جايبلج محبه
اوجايب اخر صحكه منج
جانت بلون العراق وطعم شفته شكثر عذبه
اوياي بس واحد يشبهج
جي يحبج انه احبه
ومانسيتج
هم اجيتــــــــــــــج
انتي يالمسة ضوه باخر نفق
جبته اعله عيني وبيه لكيتج
وشلكيتــــــــــج
ناس تضحك
صاحو اباسمي اعتقد بس مالكوني
سجلو بالورقه غايب
ورقه مكتوب اعله خدهه
مكمل بكل الدروس؟
يعني راسب



للشاعر احسان القريشي


عن وحده العراق





لتساوي اليضحي المبدئه الروح
وي واحد جبان ومبدئه ارچيچ
وشجاب الگعد من نومه الغروب
على واحد گعد وي صيحت الديچ ؟؟

عجيبه ابهل وطن شو كلشي مگلوب
ابمكان الوردة حطينه احنه شوكه
وطلعنه الكتل والسلب الناس
وخلينه البريء ابسجن بوكه ؟؟

فرق بين اليشيل ابچفه زيتون
وبين الي ابچفوفه اسلاح شايل
دم ميرد هذا ايسيل ع الگاع
وهذاك ايگول لع لازم نقاتل
يابه احنه بلا بل موش غربان
شيطانك دنعله وصير عاقل
چذب مسلم يحب الكافر ابيوم
وچذب بغراب تقبل هل بلا بل؟؟

احسبهه عدل خل بالك وياي
ابتفاهم نحچي أحنه ابلايه صايح
أذا أني طحت يعني انته مكتول
واذا انته طحت يعني اني طايح
وحگ جرح الوطن مابين اليفوز
من نوگع المحتل هو رابح
صح انته زرع بس انه الك ماي
لأن انته اخوي وهذا واضح؟؟

متحس بالعزيز وهو وياك
بس اتحسه لمن يبعد اهواي
وميبچي الگصب من يطلع ابگاع
بس ايبچي لمن ينگلب ناي
وميحس بالنهر زرع البساتين
أله ايشح عليه ويخلص الماي؟؟

دحط ايدك بدي ونصفي الگلوب
ونطلع امن البلابل هذا الغراب
مو أنته الغراب ولاني معلوم
واضح ذاك هو اغراب الاجناب




للشاعر ناظم الحاشي سامحتك

ياعمر الفراشه البربعينه يضيع
مجبور العمر وياك ضيعته
كلبي اعله العشك مارهم بي مفتاح
مفتاحك عليه شلون رهمته
شعره البعقل عتيتته من سنين
الجانت للعقل وياك لازمته
معذور اليحبك لو كفر بهواك
ولو حبك نبي هم جان كفرته
بلبل عالغصن كلبي وشمرته احجار
ومكسور الجنح للكاع طيحته
خليته بقفص وتعرفه ياكل تين
جاع وخبز يابس كمت وكلته
وتعلم عليك وكام من يطير
يرجع للقفص ملهوف علمته
ومن عاشرت ذيب وكالك جوعان
وجبه البلبل المسكين قدمته
ورحت اتصيد ثاني بكل وكاحه عين
والاول بالقفص منصوبه فاتحته
كفيت العتب ماعاتبك عالصار
وشيفيد النفخ بالنار حاركته
ياحلم الطفوله الصرخ بذنه الشوك
عاف اهل الوفه وصدكك من صحته
حب رباني حبك مكتفي الغايات
وشيطانك دعاني ومارحت شفته
يااول نهر يحترك بالتاريخ
طلعت ريحته ومايوم جذبته
وانت اول بنص مزاد انباع
ويااول لحم ياكل حلك خاصرته
سامحتك رغم كل الصفات البيك
يااول شمر بالكون سامحته





 

 

 

 

 

 

 

 


من مواضيع ح ــآقدٌ جداً علىْ النساءِ » :::: أحمد مطر ::::: مشاركة للجميع
» :::: قافلة الاشواق :::::
» ::: أمل .. في وضح السراب ::::
» ::: أمل .. في وضح السراب ::::
» :::: .. دراكولا يجتاح مستشفيات وعيادات عراقية ..وحمورابي يتوعد بالاجتثاث..::::
» ::: قبور اسمنتية تحيط بنا تماما كسور الصين :::
» ::: حينما يشرق الوجع ::::
» ... مقالات انت عراقي ....
» ."":::::: طـــٌود كلكآمشْ ::::::"".
» :::: تخيل جهازك ينبهك بلغتنا الشعبية الدارجه :: !!
  رد مع اقتباس مشاركة محذوفة
إضافة رد

مواقع النشر (المفضلة)

الكلمات الدلالية (Tags)
موسوعه, الزغبي, الشعر, العراقي

أدوات الموضوع إبحث في الموضوع
إبحث في الموضوع:

البحث المتقدم
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة
Trackbacks are معطلة
Pingbacks are معطلة
Refbacks are معطلة


المواضيع المتشابهه
الموضوع كاتب الموضوع المنتدى مشاركات آخر مشاركة
اللي يحب الشعر الشعبي والابوذيات يجي هونااااااانة كاسبر العراقي الابوذيات والدارمي 9 13-12-2009 10:58 AM
الشعر الشعبي قصي حاتم همس القوافي - خواطر - نثر- شعر شعبي - قصائد 2 10-12-2008 01:05 AM
الوان واقسام الشعر الشعبي مع الامثله سامر حمد مآ تكرر وجوده 2 18-10-2008 10:14 PM
قوآنين قسم قطوف الشعر الشعبي أنـ,ـيـ,ـن القـ,ـمـ,ـر همس القوافي - خواطر - نثر- شعر شعبي - قصائد 1 15-07-2008 03:01 AM
شجآك يآوطن لسيآب الشعر الشعبي عبآس عبد الحسين الحلفي مسيو مهند همس القوافي - خواطر - نثر- شعر شعبي - قصائد 8 03-06-2008 12:29 PM


الساعة الآن 11:28 PM


منتديات
تحميل افلام عربية | افلام اجنبية 2014 | مسلسلات تركية | افلام هندية | دراما اسيوية | مسلسلات أجنبية 2014 | اغاني عراقية 2014 | اغاني عربية 2014 | برامج كمبيوتر 2014 | أغاني


Powered by vBulletin® Copyright ©2000 - 2014, Jelsoft Enterprises Ltd. TranZ By
Search Engine Optimization by vBSEO ©2011, Crawlability, Inc.
Ads Management Version 3.0.1 by Saeed Al-Atwi

Monetize your links - adf.ly