تشكيله دارميات علا ابوذيات عن خيانة الصديق

تدري بوطنه شلون مرتفعه الاسعار؟ *** بس البشر بالكاع حاجه بربع صار


غربلت ما خليت كل المشا وياي *** من المنخل يطيحون واسرع من الماي




اخ اشكثر على الاخ متعوده هالروح *** حته بفرح نوبات من تطرب تنوح



اريد أخبط مزيـــــــج الرمل و الحر
و أدور على الصديق الوفي و الحر
نخيت الله و ابــــو الحسنين و الحر
يحفظ كـــــــــــــل آخو يذكر آخيه


ربيت وودهري علمني وعضني
وأعض يابس واعض اخضر وعضني
اخوي اصبح جلب ينبح وعضني
ونسى من جاع وكلته بديا


جنت حبيبي وجنت اهواي

وجان هواك هو هواي
وجنت احبك مو اشويه اهواي
تالي جازيتني بلخيانه





خليك يالاسمر بعيد وحدك
خليك لا لا تقترب حدك
بعد ماجيك واقترب حدك
يلي منك ماشفت بس اذيه



صرت دم المشه بداخل .......................وريدك

ومثل متريد مشيني ...........................وريدك

فراكك حيل مرمرني ..........................وريدك

على جروحي تدوس بلا خطيه



الغربه من الناس راوتني اشكال
والجذب لو بفلوس ما اظنه ينكال



انشالله يارب تنال رضاكم

او الله بعد علينا كل واحد خائن او مصلحجي